செவென்/Se7en/ஹாலிவூட் சினிமா விமர்சனம்

நல்ல டேடக்டிவ் சினிமாவை பார்த்து ரொம்ப நாட்களாகி விட்டது. தமிழில் ஒரு சில படங்களே,  நான் சிகப்பு மனிதன் பாக்யராஜ், வேட்டையாடு விளையாடு  போல கொஞ்சமே நான் பார்த்திருக்கிறேன் என்பதால் இந்த படம் என்னை ரோமக கவர்ந்துவிட்டது. அதுமட்டுமில்லாமல் பிராட் பிட் வேறு நடித்திருப்பதால் என்னை பார்க்க தூண்டியது. 

கதையை நான் நிறைய சொன்னால் படம் பார்க்கும் ஆவல் போய்விடும் என்பதால் சுருக்கமாக சொல்ல முயற்சிக்கிறேன். குற்றங்கள் நிறைந்த அமெரிக்க நகரத்தில் கொடூரமான ஒரு கொலை நடக்கிறது, அதை தொடர்ந்து இன்னொன்று என இரண்டு கொலைகள். இந்த கொலைகளை கண்டுபிடிக்கும் பொறுப்பை ஏற்கின்றனர் சொமேர்செட் (Morgan FreeMan) மற்றும் டேவிட்  (Brad pitt) என்ற இரண்டு டேடேக்டிவ்களும். சொமேர்செட் இன்னும் ஒரு வாரத்தில் பணியில் இருந்து ஓய்வு பெறப்போகிறவர், டேவிட் இப்போதுதான் அந்த நகரத்தில் தன பணியை ஆரம்பிக்கிறார்.

சொமேர்செட் தன் அனுபவத்தில் அந்த சைக்கோ கொலைக்காரன் பைபிளில் குறிப்பிட்டு இருப்பது போல ஏழு பாவங்களை போல ஏழு கொலைகள் செய்யப்போகிறான் என்று யூகிக்கிறார். அந்த ஏழு கொலைகளையும் அந்த கொலைகாரன் செய்தானா இல்லையா?? அவனை இருவரும் சேர்ந்து கண்டுபிடித்தனரா?? என்பதை நீங்களே பார்த்து தெரிந்து கொள்ளுங்கள். 

பிராட் பிட்டும், மோர்கன் ப்ரீமனும் வித்தியாசமான கூட்டணி. பிராட் பிட் அசுர வேகம் என்றால், மோர்கன் விவேகமும் பொறுமையாகவும் ஒவ்வொரு விசயங்களையும் கையாள்கிறார். இவர்களின் பாத்திர படைப்பு மிகவும் சுவாரசியமானது. ஒரு வாரத்தில் ஓய்வு பெறப்போகும் தான் எதற்கு இந்த கேசில் முயற்சிக்க வேண்டும் என்று நினைக்கிறார் மோர்கன்.

என்னை ரொம்பவும் கவர்ந்தது   மோர்கன் பிரீமனின் நடிப்பே. அலட்டிகொள்ளாத அதே சமயம் பொறுமையும், புத்திசாலித்தனமாகவும் முடிவெடுக்கும்  பாங்கு என படம் முழுவதும் அட்டகாசப்படுத்தி இருக்கிறார் மோர்கன்.

 பிராட் பிட்டிக்கு இந்த மாதிரி வேடம் நன்றாகவே பொருந்துகிறது. ஐந்து வார்த்தை வசனங்களில் மூன்று வார்த்தை அமெரிக்கர்களின் பிரபலமான கெட்ட வார்த்தைதான் வருகிறது (கொஞ்சம் சகிக்கல) . கதாநாயகி வய்நெத் பல்ட்ரா (Gwyneth Paltrow) பார்க்க அழகிதான் (ஹி ஹி.. ஹி..). ஆனாலும் நடிக்க வாய்ப்புகள் குறைவே. இவர்கள் வசிக்கும் அபார்ட் மேண்டின் கீழ் ஓடும் மெட்ரோ ரயிலினால் அந்த அபார்ட் மென்டே அதிரும் போது சிரிக்கும் குவ்ய்நேதை பார்த்துக்கொண்டே இருக்கலாம். நல்ல த்ரில்லர் படம் பார்க்கும் ஆர்வம் உள்ளவர்கள் தவறாமல் பார்க்க வேண்டிய படம் இது.

படம் 1995- இல் வெளிவந்து $327  அமெரிக்க டாலர்களை அள்ளி குவித்தது (தகவல் உபயம்-விக்கிபீடியா). படத்தின் முக்கிய அம்சம் என்னவென்றால், இரண்டு மணி நேரமும் விறுவிறுப்பு  குறையாமல்  கதையை நகர்த்தி இருப்பதுதான். தவறாமல் பார்க்கவேண்டிய படம். படத்தின் ட்ரைலர் கிழே !!

அடுத்து ஒரு நல்ல படத்தின் விமர்சனத்தோடு உங்களை சந்திக்கிறேன்

ஆஸ்கார் விருதும் அழகிகளும்

84 வது ஆஸ்கார் விருது விழா நேற்றுதான் லொஸ் அங்கெல நகரில் நடந்து முடிந்தது. விருது பட்டியலில் அதிகம் எதிர்பார்க்கப்பட்ட படங்களான ஹுகோ (Hugo) மற்றும் ஆர்டிஸ்ட் (The Artist) படங்கள் தலா ஐந்து விருதுகளை அள்ளின.

'த ஆர்டிஸ்ட்' படத்தில் நடித்த ஜீன் டுஜார்டின்னுக்கு சிறந்த நடிகருக்கான விருது கிடைத்துள்ளது. இந்தப் படத்தின் இசை அமைப்பாளர் லுடோவிக் பெளர்சும் ஆஸ்கர் வென்றுள்ளார். மொத்தத்தில் இந்தப் படம் 5 ஆஸ்கர் விருதுகளை வென்றுள்ளது.

சிறந்த டாகுமெண்டரி படத்துக்கான விருது டேனியன் ஜுங்கே மற்றும் ஷர்மீன் ஒபைத் சினோய் ஆகியோரின் 'சேவிங் பேஸ்' படத்துக்குக் கிடைத்துள்ளது.  ஜார்ஜ் க்ளூனி நடித்த 'த டெசன்டன்ஸ்'  (The Decedents) படத்துக்கு சிறந்த திரைக்கதைக்கான ஆஸ்கர் விருது வழங்கப்பட்டுள்ளது.

சிறந்த வெளிநாட்டு படத்துக்கான விருது ஈரானின் 'ஏ செப்பரேஷன்' திரைப்படத்துக்கு வழங்கப்பட்டது. மார்ட்டின் ஸ்கோர்செசயின் 3டி படமான ஹூகோவுக்கு சிறந்த சவுண்ட் எடிட்டிங், சவுண்ட் மிக்சிங், சிறந்த ஒளிப்பதிவு, சிறந்த ஆர்ட் டைரக்ஷன், சிறந்த விஷூவல் எபெக்ட்ஸ் ஆகிய பிரிவுகளின் கீழ் 5 ஆஸ்கர் விருதுகள் வழங்கப்பட்டுள்ளன.

சரி விருது வழங்கும் விழாவுக்கு முன்  red carpet மீது நடந்து வரும் அழகிகளைதான் ஆவலோடு எதிர்பார்ப்பார்கள் (ஹி ஹி ஹி... நான் எதிர்பார்ப்பேன்). தேடி பார்த்ததில் கோசம் கிடைச்சது. யாம் பெற்ற இன்பம் பெருக இப்பதிவுலகமும்.

(Black  Swan) படத்தின் நாயகி நடாலி போர்ட்மன் 

 ஜெனிபர் லோபெஸ்ங்கோ!!!

"The Pirates of Carribean" படத்தின் பப்பாளி "Penople Cruz"

"The Lady with Dragon Dattoo" படத்தில் நடித்த "Rooney Mara"

"Speed" படத்தின் நாயகி "Sandra Bullock"

 

 

 

Brad Pitt & Angelina Joli

 

 

சமீபத்தில் வெளிவந்த "The Bad Teacher"  படத்தின் நாயகி "Cameron Diaz" 

 

 

"The Decendents" படத்தின் கதாநாயகன் "George Clooney" மற்றும் "Stacy Keibler"

 

 

"The Decendents" படத்தில் "George Clooney" மகளாக நடித்த "Shailene Woodley "

 

 

 இப்போதைக்கு இது போதும்னு நினைக்கிறேன்.  அடுத்த பதிவில் உங்களை சந்திக்கிறேன்.

தி லாஸ்ட் கிங் அப் ஸ்காட்லாந்து /The last king of Scotland/ஹாலிவூட் சினிமா விமர்சனம்

உலக சரித்திரத்தை புரட்டி போட்டால் இரண்டு வகையான மனிதர்களை சரித்திரம் நினைவில் வைத்திருக்கிறது. ஒன்று காந்தி, நெல்சன் மண்டேலா போன்ற நல்லவர்கள் மற்றொன்று ஹிட்லர், முசோலினி, மற்றும் இடி அமின் போன்ற கெட்டவர்கள். இரண்டு வகையை சேர்ந்த மனிதர்களையும்தான் சரித்திரம் நினைவில் இருத்தி வைத்து இருக்கிறது. இதில் இடி அமினின் கதை கொஞ்சம் சுவாரசியமானது. 

 2005 -இல் "தி லாஸ்ட் கிங் அப் ஸ்காட்லாந்து" (The last king of Scotland ) என்றொரு படம் " ஜைல்ஸ் போடன் " (Giles Foden) என்பவர் இதே பெயரில் எழுதிய நாவலை மையமாகக்கொண்டு கெவின் மெக்டோனல்ட் (Kevin McDonald) இயக்கிய படம். நிறைய உண்மையையும் கொஞ்சம் கற்பனையும் கலந்து எழுதப்பட்ட இந்த நாவல் இடி அமின் ஆட்சியை பிடித்ததில் இருந்து, உகண்டாவின் என்டபே விமான நிலையத்தில் பாலஸ்தீன இயக்கம் ஒன்றால் கடத்தி பிணையக் கைதிகளாக அடைத்து வைக்கப்பட்டு இருந்த இஸ்ரேலியர்களை விடுவித்து செல்லும் வரைக்கும் இடைப்பட்ட சம்பவங்களை வைத்து படம் எடுக்கப்பட்டு இருக்கிறது. 

 படத்தின் கதை கோர்வையாக சொல்ல இயலாவிட்டாலும், ஸ்காட்லாந்தில் மருத்துவ படிப்பை முடித்து உகண்டாவில் சேவை செய்ய கிளம்பும் நிக்கோலஸ் கர்ரேகன் (Nicholas  Garrigan ) ஒரு எதிர்பாராத சந்தர்ப்பத்தில் இடி அமினுக்கு (Forest Whittakker) உதவி செய்ய, பின் இடி அமினீனின் நம்பிக்கைக்கு பாத்திரமாகி அவரின் தனி மருத்துவ ஆலோசகராக நியமிக்கபடுகிறார். 

மருத்துவ ஆலோசனைகள் மட்டுமின்றி அரசியல் ஆலோசகராகவும் மாறிப்போகும் நிக்கோலஸ், இடி அமீனின் மூன்றாவது மனைவி கே (Kerry Washigton) உடன் உறவு கொண்டு கர்ப்பமாக்கி  விடுகிறார். இதற்கு  நடுவில் அமீனின் இருண்ட முகம் மற்ற நாடுகளின் பிரதிநிதிகள் மூலம் நிக்கோலசுக்கு தெரிய வருகிறது. தனக்கு எதிரி எனப்பட்டால் தன் மந்த்ரி முதல் கடை நிலை மனிதர் வரை கொலை செய்து விடும் இடி அமின் தன் மனைவி கர்ப்பம் என்றால் விடுவாரா??? "நிக்கோலஸ்" மற்றும் "கே" என்ன ஆனார்கள் என்பதை நீங்களே படத்தை பார்த்து தெரிந்துகொள்ளுங்கள். !!!

 

இடி அமீனாக நடித்திருக்கும் ஹாலிவூட் நடிகர் பாரெஸ்ட் விட்டகேர் (Forest Whitaker) எனக்கெனவோ நடித்தது போல் இல்லை இடி அமீனாகவே வாழ்ந்திருக்கிறார். நையாண்டி செய்யும்போதும், கொலை செய்யும்போதும் வெவ்வேறு பரிமாணகளில் அவர் முக பாவம் அசத்தல். தன் மகனுக்கென "Scotland " என பெயரிடப்பட்ட t -சர்ட்டை கேட்டு வாங்குவதும், தன் அமைச்சரவையில் இருக்கும் அமைச்சர் மீது சந்தேகப்பட்டு கொள்ளும்போதும் நமக்கே பாரெஸ்ட் விட்டகேர் மீது வெறுப்பு வரும். இந்த படத்திற்கென கோல்டன் க்ளோப் மற்றும் BAFTA என்ற  இரண்டு விருதுகளையும் சிறந்த நடிகருக்கென வாங்கினார்.

அடுத்து சொல்லிகொள்ளும்படியான நடிப்பை வெளிப்படுத்தி இருந்தவர் நிக்கோலஸ் கதாப்பாத்திரத்தில்  நடித்த ஜேம்ஸ் (James MacAvoy) தான். ஒரு நாட்டின் அதிபருக்கு ஆலோசகர் என்ற பதவி இருந்தும் அதை வெறுப்பதும் , இடி அமீனின் மனைவியையே காதலித்து கர்ப்பமாக்கி விட்டு அதை அழிக்க முடியாமல் தவிப்பதும், தன் பாஸ்போர்டை மாற்றி உகாண்டா நாட்டின் பாஸ்போர்டை கொடுக்கும்போது தன் இயலாமையை நினைத்து மருகுவதும்  நல்ல நடிப்பு. 

அடுத்து என்னை கவர்ந்தது, வெள்ளை மட்டுமே அழகு என்று நினைப்பவர்கள், இடி அமீனின் மூன்றாவது மனைவியாக நடித்திருக்கும் கெர்ரி வாஷிங்டனை பார்த்து தன் முடிவை மாற்றிக்கொள்ள வாய்ப்பும் உண்டு. இந்த அம்மணி பற்றி கொஞ்சம் நீளமாக எழுத வேண்டும் என்றுதான் நினைக்கிறேன், அப்புறம் நம்மளை வேற மாதிரி பதிவர்னு யாரும் நினைக்க கூடாதுன்னு இதோட நிறுத்திக்கறேன். அது மட்டுமின்றி பதிவு ரொம்பவே நீளமாகிக்கொண்டே போகிறது. 

இந்த படத்தை பார்க்கும் வாய்ப்பு கிடைத்தால் தவறாமல் பாருங்கள் . படத்தின் ட்ரைலர் கிழே !!!

அடுத்து ஒரு நல்ல படத்தின் விமர்சனத்துடன் உங்களை அடுத்த பதிவில் சந்திக்கிறேன்